Hagfræðingurinn Magnús Árni Skúlason hefur fest kaup á íbúð við Sóleyjargötu í Reykjavík. Sóleyjargatan er eftirsóttur staður til þess að búa á en stutt er niður á tjörn og út á allar helstu stofnbrautir. Auk þess er Sóleyjargatan hjarta þingholtanna. 

Um er að ræða 129 fm miðhæð í glæsilegu húsi sem reist var 1931. Magnús hefur búið í húsinu um langa hríð en hann á aðra íbúð í sama húsi sem hann festi kaup á 2005. 

Húsið stendur á góðum stað og hefur allt verið tekið í gegn en það var steinað að utan á árunum 2017-2018. Íbúðin sem Magnús Árni festi kaup á var auglýst til sölu í ágúst 2022 en ekki var gengið frá kaupunum fyrr en 14. mars á þessu ári. 

Garðurinn í kringum húsið er eins og útibú frá Hljómskálagarðinum, gróinn og státar af fallegum trjám og plöntum. 

Húsið við Sóleyjargötu var steinað að utan á árunum 2017-2018.

Magnús keypti íbúðina af Þórdísi Unndórsdóttur og greiddi fyrir hana 125.000.000 kr. 

Smartland óskar Magnúsi Árna til hamingju með nýju íbúðina! 

Fallegur bogadreginn gluggi prýðir íbúðina. Magnús á einnig íbúðina sem er á efstu hæð hússins og hefur átt hana síðan 2005.