Klaustri lokað eftir að nunna var krossfest

Klaustri í Vaslui í Rúmeníu þar sem rómversk nunna var krossfest nýlega hefur verið lokað og prestur klaustursins sviptur réttindum til að starfa í nafni rétttrúnaðarkirkjunnar og til að lifa klausturslífi.

Talið er að nunnan hafi verið krossfest við særingarathöfn en presturinn Daniel Petru Corogeanu, sem er 29 ára, segist hafa verið að reyna að reka úr henni illa anda. Hann og fjórar nunnur eru talin hafa valdið dauða hennar en þau hafa þó ekki verið handtekin þar sem niðurstöðu krufningar liggur ekki fyrir.

Nunnan Maricica Irina Cornici, sem var 23 ára, er hins vegar sögð hafa látist eftir að hún var bundin upp á kross með handklæði troðið upp munn sér og skilin þannig eftir í þrjá daga.

„Klaustrinu hefur verið lokað og það verður ekki opnað aftur," segir Corneliu Barladeanu, biskup í Vaslui. Þá segist hann hafa orðið fyrir aðkasti nunna í klaustrinu er hann kom þangað til að svipta Corogeanu embætti. Skortur er á prestum í Rúmeníu og því hafði Corogeanu fengið að þjóna sem prestur þótt hann hefði hvorki hlotið menntun né þjálfun til þess.

mbl.is
Til sölu kvk Hjól
2 ára kvk reiðhjól með háu stýri.Comfort style eins og nýtt. Keypt hjá Erninum....
Til sölu ósamansettur bìlskúr
Til sölu ósamansettur bìlskúr 6x4 m. Bjálki 45 mm. Þak, gólf og inn-keyrsluhurð ...
Tæki fyrir traktorinn
Við erum með jarðtætara, hagasláttuvélar, kurlara og allt mögulegt fyrir traktor...
Jema A/S danskar skæralyftur
Við seljum hinar vinsælu skæralyftur frá JEMA . Lyfta 1,2 m og 3 T ,glussadrifn...