ESB íhugar plastpokabann

Margir kaupa plastpoka undir varninginn þegar matarinnkaup eru gerð í ...
Margir kaupa plastpoka undir varninginn þegar matarinnkaup eru gerð í stað þess að taka fjölnota poka með í búðina. Vitundin um vistvæna lifnaðarhætti hefur aukist undanfarin ár þótt enn sé langt í land í þeim efnum. Mbl.is/Guðmundur Rúnar Guðmundsson
Hver Evrópubúi notar að meðaltali 500 plastpoka á ári. Þetta veldur því að mörg tonn af plasti fljóta um í Miðjarðarhafinu og valda þar mikilli mengun. Til að stemma stigu við þessu íhugar framkvæmdastjórn Evrópusambandsins nú að banna plastpoka í verslunum, eða leggja á þá mengunarskatt.

Árið 2008 voru 3,4 milljón tonn af plastpokum framleidd í Evrópu. Það nemur þyngt tveggja milljóna bíla. Pokarnir enda yfirleitt úti í sjó, þar sem það tekur þá mörg hundruð ár að eyðast, að sögn framkvæmdastjórn ESB. Um 250 milljarðar plasteininga, sem vega samtals 500 tonn, fljóta nú um Miðjarðarhafið og ógna lífríkinu í sjónum.

Í sumum Evrópulöndum eru plastpokar bannaðir í verslunum, en engar heildstæðar reglur hafa verið settar um dreifingu þeirra og notkun í Evrópusambandinu. Nú  er til skoðunar að banna þá og jafnframt að auka aðgengi að umhverfisvænum umbúðum sem brotna auðveldlega niður í náttúrunni.

„Fyrir 50 árum voru einnota plastpokar nánast óþekkt fyrirbæri, en í dag notum við þá í nokkrar mínútum og hendum þeim svo. Þannig mengum við umhverfi okkar áratugum saman," er haft eftir Janez Potocnik, fulltrúa umhverfismála hjá ESB.

mbl.is

Bloggað um fréttina

Infrarauðir Hitalampar fyrir allskyns verki 300w
Stórkostleg jákvæð áhrif á gikt, eykur virkni ýmissa ensíma sem bæta blóðrás og ...
Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
Sultukrukkur, minibarflöskur...
Til sölu ..Ca 100 gler krukkur til sölu..Frekar litlar... Einnig ca 200 smáflös...
Sumarhús við gullna hringinn..
- Gisting fyrir 5-6, leiksvæði og stutt að Geysi, Flúðum og Gullfossi. Velkomin....