Fylgi jafnaðarmanna í sögulegu lágmarki

Stefan Löfven forsætisráðherra og leiðtogi jafnaðarmanna í Svíþjóð
Stefan Löfven forsætisráðherra og leiðtogi jafnaðarmanna í Svíþjóð AFP

Fylgi sænskra jafnaðarmanna hefur aldrei mælst jafn lítið og nú eða 23,3% samkvæmt skoðanakönnun Sifo sem birt var í dagblöðunum Svenska Dagbladet og Göteborgs-Posten í dag. Flokkurinn hefur aldrei mælst með jafn lítið fylgi síðan Sifo hóf að gera þessar kannanir fyrir 49 árum, árið 1967.

Á sama tíma og fylgið hrynur af jafnaðarmönnum þá eykst fylgi hægri flokksins, Moderate, sem mælist með 25,6% atkvæða.

Samkvæmt skoðanakönnuninni njóta vinstriflokkarnir sem mynda ríkisstjórn landsins 37,2% fylgis á meðan hægri- og miðjuflokkarnir eru með 42,8%. En þeir flokkar sátu áður í ríkisstjórn.

Allt bendir hins vegar til þess að heldur sé að draga úr vinsældum Svíþjóðardemókrata á ný þrátt fyrir að flokkurinn njóti miklu meira fylgis nú en í síðustu kosningum. Samkvæmt könnun Sifo mælist flokkurinn, sem beitir sér gegn innflytjendum, með stuðning 18,2% kjósenda.

frétt Svd

mbl.is
Til sölu 16" álfelgur og snjódekk
Felgurnar eru original Mitsubishi 16", gatadeiling 108x5. Dekkin eru Firestone ...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
Tæki fyrir skógræktina
Framundan er grisjun. Öflugir vökvastýrðir kurlarar, viðarkljúfar, stubbafræsar...
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...