Þrír særðust í skotárás í Malmö

FREDRIK PERSSON

Þrír menn særðust í skotárás í Malmö í gærkvöldi. Að sögn sænsku lögreglunnar hafa tveir þeirra verið útskrifaðir af sjúkrahúsi en sá þriðji dvelur þar enn.

Árásin var gerð um klukkan 20 í gærkvöldi í Holma-hverfinu. Að sögn lögreglu eru mennirnir allir á þrítugsaldri og tengjast skipulagðri glæpastarfsemi, svo sem fíkniefnaviðskiptum. 

Einn þremenninganna var fyrr á árinu dæmdur fyrir að hóta hjúkrunarfræðingi á sjúkrahúsi í Lundi þegar honum var neitað um morfín á sjúkrahúsinu en skot hafði farið í gegnum lunga hans. 

Lögreglan ræddi við vitni í gærkvöldi og íbúa í hverfinu en svæðið sem árásin var gerð var girt af. Tæknideild lögreglunnar er enn að störfum á staðnum. 

Enginn hefur verið handtekinn vegna árásarinnar en vitni sáu tvo menn forða sér á reiðhjóli af vettvangi eftir árásina. 

Í skýrslu lögreglunnar um hættuleg svæði í Svíþjóð er Holma-hverfið skráð sem hættulegt. Ítrekað hefur komið til átaka í Malmö undanfarin ár en í fyrra létust 11 í skotárásum í borginni. Talið er að um 200 manns tengist skipulagðri glæpastarfsemi þar.

Frétt Sydsvenskan

Frétt Aftonbladet

mbl.is

Bloggað um fréttina

Byggingastjórn - Húsasmíðameistari
Tek að mér byggingastjórn og uppáskrift húsasmíðameistara. Nýbyggingar, viðhald...
FJÖLNOTAKERRUR _ STURTUKERRUR
Fjölnotakerrur, auðvelt er að koma bílum og vélum uppá, 4 til 6 metra langar. St...
Peningaskápur eldtraustur
Til sölu VICTOR peningaskápur. Hæð,99 cm breidd,58 cm Kr.48,000,- uppl. sul...
Viðeyjarbiblía 1841 til sölu
Til sölu Viðeyjarbiblía frá 1841, upplýsingar í síma 772-2990 eða á netfangið rz...
 
Framhald uppboðs
Nauðungarsala
Uppboð Einnig birt á www.naudungarsolu...
Breyting á deiliskipulagi í flatey
Leikskólakennsla
Breyting á deiliskipulagi í Flat...
Framhalds uppboð
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9, jóg...