Ef Bretar yfirgefa Evrópusambandið án samnings þá mun það leiða til 8,5% samdráttar í skosku hagkerfi, segir Nicola Sturgeon, fyrsti ráðherra Skotlands. Hún kynnti í dag nýja skýrslu með efnahagslegum áhrifum Brexit á Skotland.

Hún segir að ekkert sé í boði sem jafnist á við veru í Evrópusambandinu. Hún segir að í skýrslunni sé farið yfir það hvernig hægt sé að lágmarka skaðann af útgöngu Bretlands.

Samkvæmt greiningunni verður samdrátturinn 8,5% ef engum samningi verður náð á milli Bretlands og ESB en skaðinn verður mun minni ef Bretland verður hluti af evrópska efnahagssvæðinu. 

Leiðtogar 27 ríkja Evrópusambandsins samþykktu á fundi sínum um miðjan desember að hefja viðræður við Breta um það hvernig viðskiptasambandi ESB og Bretlands verði háttað eftir útgöngu Breta úr sambandinu vorið 2019. 

Frétt BBC

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt