Danir draga herlið sitt til baka

Hermenn að störfum í Írak.
Hermenn að störfum í Írak. AFP

Dönsk stjórnvöld tilkynntu í dag að þau ætluðu að senda herlið sitt heim frá Írak þar sem það hefur verið í bandalagi við Bandaríkjamenn og fleiri NATO-þjóðir að berjast gegn vígamönnum Ríkis íslams.

Í yfirlýsingu frá Anders Samuelsen, utanríkisráðherra Danmerkur, segir að nú sé komið að þeim tímapunkti að hægt sé að draga sérsveitir danska hersins til baka þar sem Ríki íslams hafi ekki lengur völd á stórum svæðum í Írak.

Dönsku hersveitirnar hafa haft það hlutverk að þjálfa íraska hermenn. Stefnt er að því að allir danskir hermenn verði komnir frá Írak í haust.

Hermenn frá Danmörku voru sendir til Írak í ágúst árið 2016. Í samþykkt þingsins á þeim tíma kom fram að heimild væri til að senda um sextíu hermenn þangað.

Fyrstu dönsku hermennirnir komu þó til landsins í október 2014. 

Frétt danska ríkisútvarpsins um málið.

mbl.is
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Höfuðverkur, endalaus þreyta, svefnleysi
Er með til leigu OZONE lofthreinsitæki ( margir kalla þetta JÓNAR tæki ). Eyði...
Úlpa
Til sölu ónotuð 66º Norður úlpa, Hekla, í stærð L. Fullt verð kr. 39.000, tilboð...
Til sölu 16" álfelgur og snjódekk
Felgurnar eru original Mitsubishi 16", gatadeiling 108x5. Dekkin eru Firestone ...