Leikkona hefur sakað franska kvikmyndaleikstjórann Luc Besson um nauðgun og hefur lögreglan í París hafið rannsókn á málinu.
„Luc Besson neitar þessum ímynduðu ásökunum harðlega,“ sagði lögmaður Bessons, Thierry Marembert, við AFP-fréttastofuna.
Hann bætti við að leikstjórinn þekki konuna sem lagði kæruna fram og sagði að hann hefði aldrei hegðað sér á óviðeigandi hátt í hennar garð.
Á meðal þekkustu kvikmynda Bessons eru La Femme Nikita, The Fifth Element og Leon.