Notuðu gervihjónabönd til að fá dvalarleyfi

Sumar giftinganna áttu sér stað í Mexíkó eða Bandaríkjunum án ...
Sumar giftinganna áttu sér stað í Mexíkó eða Bandaríkjunum án þess að báðir aðilar væru viðstaddir giftinguna. mbl.is/Ómar Óskarsson

Yfirvöld í Danmörku og Þýskalandi náðu í dag að leysa upp skipulögð glæpasamtök, með aðstoð Europol, en samtökin notuðu gervihjónabönd við ríkisborgara Evrópusambandsríkja til að aðstoða ólöglega innflytjendur frá Asíuríkjum við að fá varanlegt dvalarleyfi í löndunum.

Samtökin höfðu haldið úti starfsemi sinni frá 2015 og höfðu smyglað inn a.m.k. 1.200 manns á þeim tíma, sem þau rukkuðu um allt að 13.000 evrur fyrir þjónustuna.

Í fréttatilkynningu frá Europol segir að um 18 mánaða rannsókn liggi að baki aðgerðunum í dag og var húsleit gerð á fjölda staða í Þýskalandi og Danmörku sem leiddi til handtöku höfuðpaura samtakanna.

Glæpasamtökin héldu úti nokkrum hjónabandsskrifstofum og notuðu umboðsaðila til að freista ESB-borgara sem voru viljugir að ganga í gervihjónaband, án þess að þurfa að búa með makanum. Europol segir sumar giftinganna hafa átt sér stað í Mexíkó eða Bandaríkjunum, en í þessum löndum þurfi báðir aðilar ekki í öllum tilfellum að vera viðstaddir til að giftingin teljist lögleg.

Glæpasamtökin aðstoðuðu einnig fólkið við að komast ólöglega til ESB-ríkja og gerðu þeim kleift að dvelja þar áfram með bæði stolnum og fölsuðum skilríkjum, sem ýmist voru tímabundnar ferðamannavegabréfsáritanir eða dvalarleyfispappírar.

Lokatakmarkið var þó að koma viðkomandi í gervihjónaband svo hann gæti sótt um varanlegt dvalarleyfi.

Segir Europol liðsmenn samtakanna hafa verið ákærða fyrir smygl, skjalafals, mútur og fyrir að hvetja til og aðstoða við tvíkvæni.

mbl.is
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
Sumarhús við gullna hringinn..
- Gisting fyrir 5-6, leiksvæði og stutt að Geysi, Flúðum og Gullfossi. Velkomin....
Húsaviðgerðir
https://www.husco.is/...
AUDI A6 Quadro
Tilboð óskast í Audi A6, Quadro, 4.2 árg. 2005 Ekinn 167 þús. Bose hljóðkerfi,...