Lögreglumaður skaut gegnum framrúðu

Lögreglan í Las Vegas birti í gær upptöku úr myndavél sem lögreglumaður bar þar sem hann sést skjóta gegnum framrúðu bíls síns á meðan hann ekur á miklum hraða í eftirför. Maður, sem grunaður er um morð, féll í skothríð lögreglunnar. 

Á myndbandinu má sjá að lögreglumaðurinn situr undir stýri. Hann grípur til byssu sinnar og skýtur út í gegnum framrúðuna til að stöðva för hins grunaða. 

Atvikið átti sér stað 11. júlí eftir að útkall vegna morðtilraunar barst. Áður en lögreglumaðurinn hleypir af má heyra hann segja ítrekað í talstöðina: „Skothríð, skothríð“ (e. shots fired).

Lögreglan í Las Vegas segir að lögreglumennirnir hafi verið að elta tvo grunaða menn sem  hafi skotið 34 skotum á lögreglumennina og bíla þeirra.

Lögreglumennirnir svöruðu með 32 skotum. Þeim tókst að lokum að stöðva för bíls hinna grunuðu. Fidel Miranda, 23 ára, lést í skothríð lögreglunnar. Hinn maðurinn var handtekinn en fluttur á sjúkrahús vegna skotsára sem hann hlaut.

Rannsókn stendur nú yfir á því hvort að lögreglan hafi beitt óhóflegu valdi. Mennirnir tveir eru grunaðir um að hafa skotið 25 ára mann til bana. 

Lögreglumaðurinn skýtur í gegnum framrúðuna á ferð.
Lögreglumaðurinn skýtur í gegnum framrúðuna á ferð. Skjáskot/Youtube
mbl.is
STIGAR OG HANDRIÐ ALLAR MÖGULEGAR GERÐIR
Mælum, teiknum, smíðum og setjum upp, myndir á Facebook: Magnus Elias>Mex byggin...
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Nissan Qashqai 2018
https://bland.is/classified/entry.aspx?classifiedId=3933554 NISSAN QASHQAI, 4...