Breska innanríkisráðuneytið hefur hætt samstarfi við bandarísk yfirvöld vegna tveggja manna sem ákærðir eru fyrir aðild að vígasamtökunum Ríki íslams. Áður hafði verið greint frá því að bresk yfirvöld myndu ekki reyna að hafa áhrif á það ákvæðu bandarísk yfirvöld að dæma þá til dauða.

Höfðu breskri ráðherrar greint frá því að þeir myndu deila upplýsingum með bandarískum yfirvöldum, sem leitt gætu til dóms yfir mönnunum, án þess að mótmæla dauðarefsingu.

Um er að ræða þá Al­ex­anda Kotey og El Shafee Els­heikh sem voru hand­tekn­ir í Sýr­landi í janú­ar. Þeir voru liðsmenn hryðju­verka­hóps sem gekk und­ir heit­inu „Bítl­arn­ir“ vegna þess að fé­lag­arn­ir voru fjór­ir og komu all­ir frá Bretlandi og voru þar af leiðandi með sterk­an bresk­an framb­urð. 

Hóp­ur­inn þótti afar hrotta­feng­inn en hann stóð meðal ann­ars á bak við af­höfðun banda­rísku blaðamann­anna James Foley og Steven Sotloff, bresku hjálp­arliðanna Dav­id Haines og Alan Henn­ing og banda­ríska hjálp­arliðanum Peter Kassig.

Frétt af mbl.is

Ekki reynt að koma í veg fyrir dauðadóma

Innanríkisráðuneytið hefur hins vegar nú slegið á frest samstarfi  við bandarísk yfirvöld þar til að dómari hefur fengið tækifæri til að úrskurða um lögmæti þess.

Segir BBC móður annars mannanna hafa höfðað mál til að hindra slíkt upplýsingasamstarf.

Einungis er um tímabundin frest að ræða, en Guardian segir þetta fyrsta merki um breytta ákvörðun breskra stjórnvalda vegna málsins.

„Við fengum í gær beiðni frá lögfræðingi fjölskyldu eins hinna grunuðu um að slá svörum á frest. Við höfum fallist á stutt hlé,“ hefur Guardian eftir talsmanni innanríkisráðuneytisins. „Stjórnvöld eru enn þeirrar skoðunar að þeir eigi að fara fyrir rétt og við erum þess fullviss að við höfum fylgt lögunum.“

Tengdar fréttir

Ríki íslams

Neita að tjá sig um Ríki íslams

• Vara við hugsanlegum hryðjuverkum í Moskvu
• Ekki vitað um aðra ISIS-liða
• Ríki íslams lýsir árásinni á hendur sér
• Leiðtogi Ríkis íslams sagður látinn

» Fleiri tengdar fréttir

• Blogga um frétt