Vilja flengja óþekka nemendur

Nemendur í skólanum eru á aldrinum fimm til 15 ára.
Nemendur í skólanum eru á aldrinum fimm til 15 ára. Ljósmynd/CBS

Skóli í Georgíu í Bandaríkjunum hefur óskað eftir leyfi foreldra fyrir því að hægt verði að flengja nemendur með spýtu í refsingarskyni. Yrði það eingöngu gert við þriðja brot nemenda.

Þeim nemendum sem ekki má flengja verður tímabundið vikið úr skólanum í staðinn. Georgía er eitt 20 ríkja í Bandaríkjunum þar sem líkamleg refsing í skólum er leyfð.

„Það ríkir mikill agi í okkar skóla,“ sagði Jody Boulineau skólastjóri við fjölmiðla vestanhafs.

„Hér áður fyrr þótti líkamleg refsing eðlileg í skólum og enginn sá neitt athugavert við hana,“ bætti hann við.

Í bréfi sem foreldrar fengu sent kemur fram að við þriðju refsingu verði farið með nemandann inn á skrifstofu. „Nemandinn á þar að láta hendur á hnén og verður flengdur með spýtu,“ segir í bréfinu. Þar kemur enn fremur fram að höggin verði ekki fleiri en þrjú.

Nemendur í skólanum eru á aldrinum fimm til 15 ára. Samkvæmt skólayfirvöldum hafa um það bil 100 foreldrar skilað bréfinu og hefur þriðjungur þeirra samþykkt beiðnina.

mbl.is
Jólabasar Kattholts
Basarinn verður laugardaginn 1.desember n.k. Endilega hafið samband í Kattholt...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
RAFVIRKI
ALHLIÐA RAFLAGNIR EKKERT VERKEFNI ER OF SMÁTT Haukur Emilsson Simi 853 1199...
LAGERHREINSUN - FÆÐUBÓTAREFNI Á FRÁBÆRU VERÐI!
Lagerhreinsun á fæðubótarefnum frá þekktum framleiðendum á morgun laugardag 10. ...