Bandaríski herinn hefur kyrrsett allan flotann af F-35 herþotum eftir flugslys í Suður-Karólínu í síðasta mánuði. Fram kom í skýrslu fyrr á árinu að óvíst væri hvort F-35 þoturnar væru klárar í bardaga eftir að miklir gallar höfðu fundist.
Markmiðið er að F-35-orrustuþotur taki við af þeim þotum sem Bandaríkjamenn hafa notað. Orrustuþoturnar hafa lengi verið í þróun og reynslukeyrslu og hefur kostnaður við þær verið harðlega gagnrýndur.
Gert er ráð fyrir að F-35-orrustuþoturnar verði undirstaðan í flughernaði Bandaríkjamanna næstu áratugina.
Fyrir nokkrum árum greindi stofnun sem hefur eftirlit með bandaríska hernum að illa hafi verið staðið að gerð nýjustu orrustuflugvélar flugflota Bandaríkjahers, F-35. Eftirlitsstofnunin benti á 363 vandamál við hönnun og framleiðslu vélarinnar.