Þrjú sakfelld fyrir nýnasisma

Claudia Patatas og Adam Thomas.
Claudia Patatas og Adam Thomas. Ljósmynd/Breska lögreglan

Dómstóll í borginni Birmingham í Bretlandi hefur sakfellt þrjá einstaklinga fyrir þá sök að vera liðsmenn í bönnuðum hryðjuverkasamtökum sem kallast National Action.

Fram kemur í frétt breska ríkisútvarpsins BBC að þar á meðal sé par, Adam Thomas, 22 ára, og Claudia Patatas, 38 ára, sem hafi gefið syni sínum millinafnið Adolf vegna aðdáunar sinnar á nasistaforingjanum Adolf Hitler, auk hins 27 ára Daniel Bogunovic.

Dómur verður kveðinn upp yfir fólkinu 14. desember. Patatas er laus gegn tryggingu en þeir Thomas og Bogunovic eru áfram í haldi lögreglunnar. Lögreglan lagði hald á ýmsa muni í eigu fólksins tengda nasisma, svo sem hakakrossa auk vopna.

Myndir voru sýndar í dómsalnum til þess að sýna fram á sekt fólksins. Meðal annars af Thomas klæddum í búning Ku Klux Klan-samtakanna bandarísku þar sem hann hélt á barni sínu. Thomas sagði þetta aðeins hafa verið leikaraskap en sagðist vera rasisti.

Nýnasistasamtökin National Action voru stofnuð 2013 og bönnuð þremur árum síðar eftir að þau fögnuðu morðinu á Jo Cox, þingmanni Verkamannaflokksins.

mbl.is
Lítið sumarhús
Til leigu lítið sumarhús 25km. frá Akureyri, svefnpláss fyrir 2-4, WiFi- ljóslei...
Kantsteins og múrviðgerðir
Vertíðin hafin hafið samband í símum 551 4000. 6908000 á verktak@verktak.is e...
Skúffa / skófla á traktor
Skófla á þrítengi 140cm. Bakhlið fylgir sem gerir hana að fyrirtaks skúffu. Þe...
HARMÓNIKUHURÐIR SPARA MIKIÐ PLÁSS
Smíðum eftir máli, oft afgreiddar samdægurs, verð frá kr. 13.900,- Sími 615 175...