Meirihluti þeirra sem skráðir eru í breska Íhaldsflokkinn vilja að Bretland segi skilið við Evrópusambandið án þess að fyrir liggi sérstakur útgöngusamningur við sambandið. Þetta er niðurstaða skoðanakönnunar sem fyrirtækið YouGov framkvæmdi.

Fram kemur í frétt breska dagblaðsins Daily Telegraph að gefnir hafi verið þrír svarmöguleikar; að Bretland færi úr Evrópusambandinu án útgöngusamnings, landið yfirgæfi sambandið á grundvelli útgöngusamnings sem Theresa May forsætisráðherra hefur samið um en ekki fengið samþykktan í breska þinginu eða að Bretar yrðu áfram í sambandinu.

Meirihlutinn, eða 57%, vildi yfirgefa Evrópusambandið án útgöngusamnings, sem þýðir að viðskipti Bretlands við sambandið færu fram á grunni reglna Alþjóðaviðskiptastofnunarinnar, 23% sögðust styðja samning May og 15% vildu vera áfram í sambandinu.

Samkvæmt fréttinni vonaðist May og stuðningsmenn hennar til þess að stuðningur við útgöngusamning hennar myndi aukast yfir hátíðirnar. Niðurstaða könnunarinnar bendi hins vegar til þess að andstaða við samninginn hafi þvert á móti aukist.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt