Fjórir látnir eftir gassprengingu í París

Tala lát­inna eft­ir gasspreng­ingu í baka­ríi í miðborg Par­ís­ar í morg­un er nú komin upp í fjóra, eftir að lík einnar konu til viðbótar fannst í rústunum. Greint var frá því í gær að spænsk kona og tveir slökkviliðsmenn hefðu látið lífið í sprengingunni í Hubert-bakaríinu, sem er í nágrenni óperuhúss Parísarborgar.

Tugir til viðbótar særðust í sprengingunni, sem olli skemmdum á húsum í nærliggjandi götum og segir BBC 150 íbúum í hverfinu hafa verið fundin bráðabirgðagisting vegna skemmdanna.

Slökkviliðsmaður aðstoðar konu við að komast á brott eftir sprenginguna. Miklar skemmdir eru á húsum í nágrenninu og var 150 manns fundin bráðabirgðagisting. AFP

Frétt af mbl.is

Þrír látnir eftir gassprengingu í París

Talið er að gasleki hafi valdið sprengingunni, þó að lögregla segi enn ekki búið að útiloka aðrar skýringar.

30 slökkviliðsmenn tóku þátt í leitinni að konu sem tilkynnt hafði verið að væri saknað. Ekki er þó enn búið að staðfesta að líkið sem fannst sé af þeirri konu.

Frétt af mbl.is

Tveir slökkviliðsmenn létust

• Blogga um frétt