Að minnsta kosti 66 létust þegar sprenging varð er þeir voru að ná sér í bensín úr lekri eldsneytisleiðslu í Mexíkó í gærkvöldi. Mikill eldur blossaði upp en hópur fólks var við leiðsluna þegar sprengingin varð. Ríkisstjórinn í Hidalgo greinir frá þessu og að tæplega 80 hafi slasast.
Á myndskeiðum sem tekin voru upp á vettvangi má sjá örvæntingarfullt fólk hlaupa í burtu öskrandi á hjálp á meðan eldhafið lýsti upp næturhimininn í Tlahuelilpan, sem er í Hidalgo-ríki (um 105 km frá höfuðborginni, Mexíkóborg).