Ná vonandi til drengsins í dag

Verkfræðingar byrjuðu í gær að grafa göng meðfram borholunni til ...
Verkfræðingar byrjuðu í gær að grafa göng meðfram borholunni til að komast að drengnum og vona þeir að ætlunarverkið takist í dag. AFP

Verkfræðingar sem byrjuðu að grafa göng meðfram borholu á Spáni, sem tveggja ára drengur datt ofan í fyrir viku, vonast til þess að þeim takist að komast að drengnum í dag.

Julen Rosello datt ofan í borholu í bænum Totalan síðasta sunnudag og hefur fátt annað komist að hjá spænsku þjóðinni þessa dag­ana annað en von­in um að tak­ist að bjarga drengn­um, en litlar líkur eru á að drengurinn sé enn á lífi. Talið er að bor­hol­an sem Ju­len féll ofan í hafi verið ómerkt en hún er 110 metra djúp og 38 cm að um­máli þar sem hún er víðust.

Fjöl­mennt björg­un­arlið reyn­ir allt til þess að kom­ast að drengn­um  og meðal þeirra sem taka þátt í björg­un­ar­starf­inu eru sér­fræðing­ar sem aðstoðuðu við að bjarga náma­verka­mönn­um í Chile fyr­ir nokkr­um árum.

Talsmaður lögreglu segir í samali við The Local að foreldrar Rosello hafi verið yfirheyrðir sem og maðurinn sem gróf borholuna. Ekkert lok var yfir holunni, hún var hvergi merkt og engar viðvaranir voru við hana. Yfirvöld í Andalúsíu segja að maðurinn sem gróf holuna hafi ekki haft til þess tilskilin leyfi.

Þetta er ekki fyrsta áfallið sem foreldrar Julen verða fyrir tengt börnunum sínum, en þau misstu þriggja ára barn sitt árið 2017, sem var hjartveikt.

Tvær stúlkur senda stuðnings- og baráttukveðjur til fjölskyldu og björgunarliðsmanna ...
Tvær stúlkur senda stuðnings- og baráttukveðjur til fjölskyldu og björgunarliðsmanna sem vinna að því að komast að hinum tveggja ára gamla Julen Rosello. AFP
Stórum vinnuvélum hefur verið komið fyrir við borholuna sem aðstoða ...
Stórum vinnuvélum hefur verið komið fyrir við borholuna sem aðstoða við að grafa göngin. AFP
mbl.is
Gefins - áttu klink sem þú mátt missa?
Kattholt þiggur með þökkum smámynt (hvaðan sem er). Þetta fer til að fjármagna...
Citroen c5 station 2008 til sölu
Vel með farin C5 station til sölu .skoðaður 19. nagladekk. óryðgaður. skipti mög...
Einyrki-Launakerfi.Launaseðlar í Excel
Töflukerfi í MS-Excel fyrir Launaútreikn,Launaseðla, Skilagr RSK og Lífeyrissj. ...
Ford Escape 2007. SKOÐAÐUR. SKIPTI MÖGULEG.
FORD ESCAPE XLT, 0 6/2007, EK. 122 Þ. KM., V6, 3,0, 201 HÖ., SJÁLFSK.,...