Ástralinn laus úr haldi í Norður-Kóreu
Setja bókamerki
„Ég er í góðu lagi. Ég hef það gott. Mjög gott,“ sagði Alek Sigley, ástralskur háskólanemi í Norður-Kóreu, við blaðamenn þegar hann birtist skyndilega í borginni Beijing í Kína. Þetta væri vart frásögufærandi nema fyrir þær sakir að ekkert hafði spurst til hans frá 23. júní síðastliðinn.
Fjölskylda hans óttaðist um afdrif hans í ljósi þess að fjölmargir Vesturlandabúar hafa verið fangelsaðir í ríkinu. Alek var einn af fáum frá Vesturlöndum sem fékk að stunda nám í Norður-Kóreu.
Í Kína lá leið hans í ástralska sendiráðið. Skömmu síðar flaug hann til Japans þar sem eiginkona hans býr. Alek vildi ekki tjá sig við fjölmiðla um hvar hann hafi haldið til frá 23. júní til 4. júlí.
Scott Morrison, forsætisráðherra Ástralíu, greindi fjölmiðlum frá því að honum hefði verið sleppt úr haldi í Norður-Kóreu og væri heill á húfi.
Faðir Alek, Gary Sigley, sem er prófessor í kínversku og asískum fræðum, tjáði sig einnig við fjölmiðla að fjölskyldan sé óheyrilega hamingjusöm að hann sé heill á húfi.
Hvorki sést áður hér á landi né annars staðar
Strand skemmtiferðaskips kallar á erlenda aðstoð
Kostnaður meiri en milljón á fermetra
Banna mengandi búnað sem leyfður er á Íslandi
Frambjóðendur skila inn listum í Hörpu
Gígbarmurinn hækkað frá því í gær
Skaut sex sinnum að feðginum á aðfangadagskvöld
„Höfum ekki náð að skríða upp úr þeirri gryfju“