Twitter-skotin halda áfram
Setja bókamerki
Donald Trump Bandaríkjaforseti hélt áfram að gagnrýna demókrataþingmanninn Elijah Cummings á Twitter í dag eftir að hafa í gær kallað kjördæmi hans í Baltimore í Maryland „ógeðslegt og gróðarstíu fyrir rottur“.
Forsetinn hefur verið harðlega gagnrýndur fyrir skrif sín og sakaður um kynþáttafordóma en meirihluti íbúa Baltimore eru svartir auk þess sem Cummings er dökkur á hörund.
Cummings, sem er formaður eftirlitsnefndar fulltrúadeildar Bandaríkjaþings, hefur áður sakað Trump um kynþáttahatur og gagnrýnt stefnu forsetans í innflytjendamálum.
„Það er ekkert að því að benda á þá augljósu staðreynd að þingmaðurinn Elijah Cummings hefur staðið sig mjög illa í starfi fyrir sitt kjördæmi og Baltimore,“ sagði Trump á Twitter í morgun.
Samkvæmt frétt AFP benti forsetinn ekki á nein gögn, máli sínu til stuðnings.
Trump sakaði demókrata um að spila alltaf sama spilinu; saka forsetann um kynþáttafordóma þegar þeir sjálfir hefðu lítið gert fyrir þá sem eru dökkir á hörund í landinu.
Innan við tvær vikur eru síðan fulltrúadeild Bandaríkjaþings fordæmdi tíst Trump um fjórar þingkonur af erlendum uppruna.
Í tístum sínum segir forsetinn þingkonunum fjórum, Alexandru Ocasio-Cortez, Ilhan Omar, Rashidu Tlaib og Ayanna Pressley, meðal annars að fara aftur heim til sín.
„Finn fyrir miklum meðbyr“
/frimg/1/48/83/1488353.jpg)
Hugsaði fyrst um einmanaleika og innilokun
„Jæja, Jón forseti bara mættur“
Verið að búa til „óánægju og kergju“
Óásættanlegt hversu langan tíma viðræður hafa tekið
/frimg/1/48/82/1488234.jpg)
Aðeins níu meðmælendur í öðru framboðinu
Vísa mótmælanemendum úr skólanum