Greta Thunberg komin til meginlandsins

Greta Thunberg er rétt ókomin til hafnar í Lissabon í Portúgal eftir þriggja vikna siglingu yfir Atlantshafið. Þaðan liggur leið hennar svo til Madrídar til að taka þátt í Loftslagsráðstefnu Sameinuðu þjóðanna, COP25.

Af umhverfisástæðum notast Greta ekki við flugsamgöngur, en hún sigldi frá meginlandi Evrópu til Norður-Ameríku í september til þess að ávarpa loftslagsfund í höfuðstöðvum SÞ í New York.

Frétt af mbl.is

Áratugurinn sá heitasti sem mælst hefur

Til stóð að hún myndi verja tíma sínum vestan Atlantshafsins þar til COP25 hæfist í höfuðborg Síle, Santíagó, nú í byrjun desember. Vegna viðvarandi mótmæla í borginni sáu stjórnvöld í Síle sig hins vegar knúin til þess að hætta við að halda ráðstefnuna og buðust Spánverjar þess í stað til þess að bjóða gestum til Madrídar.

Frétt af mbl.is

Greta komin með far yfir Atlantshafið

Þá voru góð ráð dýr fyrir Gretu og þurfti hún að finna sér far aftur yfir Atlantshafið.

COP25 hófst í gær og stendur til 13. desember og lítur því allt út fyrir að Gretu takist ætlunarverkið, þó það verði nokkrum dögum of seint.

• Blogga um frétt