Fimm fá 71 milljón

Enginn var með allar aðaltölurnar og báðar stjörnutölurnar réttar í útdrætti Eurojackpot þessa vikuna. Fimm skiptu hins vegar með sér 2. vinningi og hlýtur hver þeirra rúmlega 71,7 milljónir króna í sinn hlut.

Miðarnir voru keyptir í Hollandi, Svíþjóð og þrír í Þýskalandi. Ellefu skiptu með sér 3. vinningi og fá þeir rúmlega 11,5 milljónir króna hver. Miðarnir voru keyptir í Króatíu, Noregi, Tékklandi, Slóvakíu, tveir á Spáni og fimm í Þýskalandi.

Tveir voru með 4 réttar Jókertölur í réttri röð og fær hvor þeirra 100.000 krónur í vinning. Annar miðinn var keyptur í Happahúsinu í Kringlunni í Reykjavík og hinn miðinn var keyptur á lotto.is.

mbl.is