G20-ríkin hafa heitið því að standa saman í baráttunni gegn útbreiðslu kórónveirunnar. Þau ætla að setja fimm billjónir dollara inn í efnahag heimsins til að takast á við áhrif hennar.
Þetta kemur fram í yfirlýsingu ríkjanna en leiðtogar hennar ræddu málin á fjarfundi í dag. Yfir 21 þúsund manns hafa látist í heiminum af völdum veirunnar. Sérfræðingar telja að áhrif hennar á efnahagslíf heimsins geti orðið meira en í kreppunni sem skall á heimsbyggðinni 1929 og stóð yfir í 10 ár.
Leiðtogarnir hétu því einnig að vinna á skjótan hátt með stofnunum á borð við Alþjóðagjaldeyrissjóðnum, Alþjóðaheilbrigðismálastofnuninni og bönkum við að búa til öflugan fjármagnspakka til að styðja við bakið á þróunarríkjunum.