Vann rúmlega 6,9 milljarða

Norðmaður var einn með fyrsta vinning í útdrætti Eurojackpot og hlaut rúmlega 6,9 milljarða króna í sinn hlut.

Sex skiptu með sér öðrum vinningi og hlýtur hver þeirra rúmar 56 milljónir króna í sinn hlut. Miðarnir voru keyptir í Noregi, Litháen og fjórir í Þýskalandi.

Níu skiptu með sér þriðja vinningi og fá þeir rúmar 13 milljónir króna hver. Miðarnir voru keyptir í Noregi, Spáni, Póllandi, tveir í Finnlandi og fjórir í Þýskalandi.

Einn var með fjórar réttar tölur í réttri röð í Jóker og hlýtur hann 100 þúsund krónur. Miðinn var keyptur í N1 í Borgarnesi.

mbl.is