Leitarhundar notaðir við leitina að Madeleine

Þýska lögreglan hefur nú hafið uppgröft í garði í Hannover sem er talinn tengjast hvarfi Madeleine McCann. Réttarmeinafræðingar og leitarhundar eru nú að störfum í garði skammt frá fyrrverandi heimili Christian Brückner, að því er The Sun greinir frá. 

Frétt af mbl.is

Leit í tengslum við hvarf Madeleine McCann

Brückner er grunaður um að hafa átt aðild að hvarfi Madeleine, sem hvarf úr hótelíbúð sem hún dvaldi í með fjölskyldu sinni í Portúgal vorið 2007.

Leitin fer fram á borgarlandi í Hannover í Þýskalandi. AFP

Leitað hefur verið síðan í morgun á garðlandinu, sem úthlutað er til borgarbúa, á milli Hannover-Ahlem og Seelze-Letter.

Christian Brückner bjó í Hannover árið 2010 og starfaði þar á bifvélaverkstæði, eftir að hafa búið í Portúgal. Sama ár var hann sakfelldur fyrir skjalafals og þremur árum síðar fyrir þjófnað. Nú situr hann inni fyrir fíkniefnabrot og verður látinn laus eftir 22 mánuði, verði ekki farið fram á gæsluvarðhald vegna hvarfs Madeleine McCann. 

AFP

• Blogga um frétt