Fjölmiðlar fá ekki að vera viðstaddir flokksþing Repúblikanaflokksins síðar í mánuðinum þar sem formlega verður tilkynnt um að Donald Trump, forseti Bandaríkjanna, verði frambjóðandi flokksins í komandi forsetakosningum.
Flokksþingið verður mun smærra í sniðum en til stóð en stutt er síðan Trump neyddist til þess að aflýsa flokksþinginu sem til stóð að halda í Jacksonville í Flórída í júlí. Áður hafði verið hætt við að halda það í Charlotte í Norður-Karólínu.
Ástæðan fyrir því að fjölmiðlar fá ekki að vera viðstaddir er staðan í heilbrigðismálum og hættuna sem fylgir smiti í fjölmenni segir talsmaður flokksþingsins. Dagskráin verður aftur á móti í beinni útsendingu á CNN.