Votta Ginsburg virðingu sína í þinghúsinu

Lík hæstaréttardómarans Ruth Bader Ginsburg, sem lést fyrir viku síðan, mun liggja frammi í þinghúsi Bandaríkjanna svo að valdir aðilar geti vottað henni virðingu sína.

Þetta er í fyrsta sinn í sögu Bandaríkjanna sem kona er heiðruð á þennan hátt.

Frétt af mbl.is

Flykkjast til að syrgja Ginsburg

Vegna Covid-19 verður aðeins völdum aðilum boðið að vera viðstaddir afhöfn í þinghúsinu þar sem þeir fá tækifæri til að kveðja hana, að sögn BBC. 

Ginsburg verður jörðuð í næstu viku í Arlington-kirkjugarðinum og verður athöfnin haldin í kyrrþey.

Ginsburg, sem var 87 ára þegar hún lést, barðist ötullega fyrir kynjajafnrétti og mannréttindum og naut mikillar virðingar í heimalandi sínu.

• Blogga um frétt