Bandaríska forsetaefnið Joe Biden fordæmdi í gær þær aðgerðir sem Donald Trump hefur ráðist í síðan ljóst var að Biden hefði unnið sigur í forsetakosningunum þar í landi. Trump hefur staðið í mikilli herferð og málsóknum í þeim tilgangi að snúa við niðurstöðum kosninganna sér í vil.

Biden sagði Trump vera á bakvið „ótrúlega skaðlegan boðskap til heimsins um það hvernig lýðræði virkar“ við fjölmiðla í Delaware, heimafylki sínu. Hann kallaði árás Trump á kosningaferlið „algjörlega óábyrga“.

Frétt af mbl.is

Málsókn eftir málsókn hefur engu áorkað

„Það er erfitt að átta sig á því hvernig þessi maður hugsar,“ sagði Biden. „Ég er viss um að hann veit að hann hefur ekki sigrað, mun ekki sigra og að við [Kamala Harris varaforsetaefni] munum verða svarin í embætti þann 20. janúar.“

Þrátt fyrir að hafa tapað með sex milljónum atkvæða hefur Donald Trump ekki sætt sig við úrslit kosninganna, en hann fékk einungis 232 kjörmenn á móti Biden sem fékk 306.

Joe Biden heldur ræðu eftir fund með ríkisstjórum í Wilmington, Delaware í gær. Kamala Harris varaforsetaefni stendur fyrir aftan hann. AFP

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• Blogga um frétt