Þriggja ára stúlku nauðgað á salerni
Setja bókamerki
Grunur leikur á að þriggja ára gamalli afganskri telpu hafi verið nauðgað á salerni í flóttamannabúðum á grísku eyjunni Lesbos í gærkvöldi.
Að sögn lögreglu er málið í rannsókn en stúlkan fannst blóðug og rænulítil á salerni í Kara Tepe búðunum seint í gærkvöldi. Að sögn yfirvalda hefur læknir í búðunum staðfest að barnið hafi verið beitt ofbeldi en frekari rannsókn stendur yfir af hálfu lækna.
Yfir 7.300 flóttamenn og hælisleitendur hafast við í búðunum en þeim fjölgaði gríðarlega í september þegar stærstu flóttamannabúðir Evrópu, Moria, brunnu til kaldra kola í september.
Vegna þessa búa fleiri þúsund flóttamenn í tjaldbúðum sem settar voru upp á Kara Tepe svæðinu í haust og í vikunni hefur rignt gríðarlega á Lesbos með þeim afleiðingum að tjaldbúðirnar eru umluktar vatni.
„Það eru svo mörg tjöld rennandi blaut og enginn þurr staður í boði. Við óttumst að margir eigi eftir að veikjast,“ segir í færslu hóps sjálfboðaliða á Facebook.
Framkvæmdastjórn Evrópusambandsins samþykkti fyrr í mánuðinum að koma upp nýrri flóttamannamiðstöð á Lesbos fyrir september 2021. Aðstöðu sem stenst nútímakröfur. Miðstöðin er samstarfsverkefni ESB, grískra yfirvalda og stofnanna á vegum ESB.
Kostnaður meiri en milljón á fermetra
Hvorki sést áður hér á landi né annars staðar
Vonast til að tjaldbúðir við HÍ standi áfram
Krefjast stöðvunar framkvæmda
Telur forsendur fyrir vaxtalækkun
„Höfum ekki náð að skríða upp úr þeirri gryfju“
Mál hjúkrunarfræðingsins fer aftur fyrir héraðsdóm