Fulltrúadeildin hefur afhent öldungadeild Bandaríkjaþings ákæru á hendur Donald Trump, fyrrverandi forseta Bandaríkjanna, með formlegum hætti. Það var gert í gærkvöldi en Trump er fyrsti fyrrverandi forseti Bandaríkjanna sem réttað er yfir í öldungadeildinni.

Þetta er annað skiptið á rúmu ári sem níu fulltrúar fulltrúadeildarinnar færa öldungadeildinni ákæru á hendur Trump.

Réttarhöldin yfir Trump hefjast í annarri viku febrúar en leiðtogar demókrata og repúblikana náðu samkomulagi um seinkun svo öldungadeildin gæti fyrst lokið öðrum mikilvægum málum sem fyrir henni liggja, svo sem staðfestingu á skipan ráðherra ríkisstjórnar Joes Bidens, að sögn Chucks Schumers, leiðtoga meirihluta deildarinnar.

Tengdar fréttir

Donald Trump fyrrverandi Bandaríkjaforseti

Sagðist hafa þaggað niður neikvæða umfjöllun

• Segir Trump ekki sekan
• Opnunarræður fluttar í máli Trumps
• Lést eftir að hafa kveikt í sér
• Trump mætir fyrir dóm í fyrsta sakamálinu

» Fleiri tengdar fréttir

• Blogga um frétt