Sýndi þingmönnum myndband af árásinni
Setja bókamerki
Annar dagur réttarhalda öldungadeildar Bandaríkjaþings yfir Donald Trump, fyrrum Bandaríkjaforseta, hófst í dag klukkan 17 að íslenskum tíma. Jamie Raskin, þingmaður demókrata í fulltrúadeild Bandaríkjaþings, leiðir saksóknina á hendur Trump og hann kynnti málatilbúnað sinn í dag.
Trump var ákærður fyrir brot í embætti fyrir að hafa hvatt til innrásar í þinghús Bandaríkjaþings á Kapítól-hæð 6. janúar síðastliðinn.
Fram kemur í fréttum New York Times, að saksóknin, með Raskin í broddi fylkingar, spilaði myndbönd fyrir þingið í dag og í gær, sum hver áður óséð, sem sýna hvernig Trump hvatti til óeirðanna með holskeflu rangra staðhæfinga um úrslit forsetakosninganna í fyrra og óábyrgu orðfæri. Segir saksóknin að Trump hafi með því hvatt mótmælendur í ræðu fyrir utan þinghúsið, daginn örlagaríka, til þess að ráðast inn.
Hér að neðan má sjá myndband sem saksókn málsins sýndi þingmönnum öldungadeildarinnar í gær.
Gætu greitt atkvæði á þriðjudag
Í gær fóru fram umræður um hvort það stæðist stjórnarskrá Bandríkjanna að rétta um meint embættisbrot yfir manni sem ekki lengur væri í embætti. Um þetta var kosið og fór svo að öldungadeildin teldi réttarhöldin standast stjórnarskrána.
Sækjendur og verjendur fái 16 klukkustundir hvorir um sig til að setja fram mál sitt. Hefð er svo fyrir því að öldungadeildarþingmenn fái heilan dag til þess að leggja fram fyrirspurnir. Atkvæðagreiðsla um lyktir málsins gæti því farið fram strax næsta þriðjudag.
Frambjóðendur skila inn listum í Hörpu
Telur forsendur fyrir vaxtalækkun
„Umsátursástand“
Shakespeare fannst í skókassa
Skiptir miklu meira máli en fólk grunar
Banna mengandi búnað sem leyfður er á Íslandi
Hvorki sést áður hér á landi né annars staðar
Bergnuminn í Hvalfirði