Fá ekki að lenda í Rússlandi
Setja bókamerki
Rússnesk yfirvöld hafa meinað tveimur evrópskum flugfélögum að lenda í Rússlandi vegna áforma flugfélagsins að fljúga ekki yfir Hvíta-Rússland á leið til Moskvu.
Air France og Austrian Airlines hafa þurft að aflýsa flugferðum í dag eftir að rússnesk yfirvöld gagnrýndu áform flugfélaganna um að forðast lofthelgi Hvíta-Rússlands í mótmælaskyni eftir að hvítrússnesk yfirvöld handtóku blaðamanninn Roman Protasevich og Sofiu Sapega unnustu hans. Þau voru um borð í flugvél Ryanair sem var gert að lenda í Minsk á leið sinni frá Aþenu til Vilnius á sunnudag.
Rússland er einn helsti bandamaður Hvíta-Rússlands, sem var hluti af Sovétríkjunum og hefur haldið fast í tengsl sín við Kreml.
Rússar hafa ekki áður blandað sér í deilur vegna atviksins á sunnudag og viðbragða m.a. Atlantshafsbandalagsins og Evrópusambandsins í kjölfarið. Þá hafa rússnesk yfirvöld ekki sagt til um það hvort að öllum flugvélum sem forðast lofthelgi Hvíta-Rússlands verði meinað að lenda í Rússlandi.
Telur forsendur fyrir vaxtalækkun
„Höfum ekki náð að skríða upp úr þeirri gryfju“
Hvorki sést áður hér á landi né annars staðar
Þyngri refsing fyrir að nauðga stjúpdóttur æskuvinar
Gígbarmurinn hækkað frá því í gær
Mál hjúkrunarfræðingsins fer aftur fyrir héraðsdóm
Frambjóðendur skila inn listum í Hörpu
Breytingar á skipulagi fréttadeildar RÚV