Joe Biden Bandaríkjaforseti hefur heitið því að Bandaríkin muni taka til varna fyrir Taívan, reyni kínversk stjórnvöld að ná yfirráðum yfir eyríkinu. Kínversk stjórnvöld segja að með þessu séu bandarísk stjórnvöld að „leika sér að eldinum“. 

Lét Biden ummælin falla á blaðamannafundi í Tókýó og líkti þar ógn Kína gagnvart Taívan við innrásina í Úkraínu. Hefur hann aldrei tekið jafn skýra afstöðu í málinu og nú þegar spennan eykst milli Bandaríkjanna og Kína vegna aukinna hernaðarumsvifa og efnahagslegrar stöðu síðarnefnda landsins.

Bandaríkin viðurkenni að Peking sé höfuðborg Kína

Nefndi Biden á fundinum að Bandaríkin tækju þessa afstöðu þar sem þau hefðu viðurkennt Kína sem fullvalda ríki með stjórnstöðvar í höfuðborginni Peking. Taívönsk stjórnvöld líta svo á að Taívan sé fullvalda ríki.

„Það er bara ekki viðeigandi að taka yfir Taívan með valdi. Það myndi setja svæðið í uppnám og væri svipuð aðgerð og innrásin í Úkraínu,“ sagði Biden.

Kínverjar hafa aukið vígbúnað sinn nærri Taívan og rofið lofthelgi landsins með lágflugi orrustuþotna en stjórnvöld í Taívan líta á þetta sem ögrun. Kínversk stjórnvöld líta á landið sem hérað innan Kína og núverandi stjórnvöld sem aðskilnaðarsinna.

Tengdar fréttir

Joe Biden Bandaríkjaforseti

Biden vill lækka námslánaskuldir

• „Þjóðin stendur við bakið á ykkur“
• Segir yfirvöld Ísraels hafa hlustað á sig
• Vill breytingar á „næstu klukkustundum eða dögum“
• Mikið undir í stefnuræðu Bidens

» Fleiri tengdar fréttir

Taívan og Kína

Skiptar skoðanir á aðstoð Bandaríkjamanna

• Xi og Biden ræddu saman
• Nárú viðurkennir ekki lengur Taívan
• Ching-Te kjörinn forseti Taívan
• Kína fær nýjan varnamálráðherra

» Fleiri tengdar fréttir

• Blogga um frétt