Joe Biden Bandaríkjaforseti segir yfirvöld í Ísrael hafa hlustað á kröfur hans um að leyfa frekari innflutning hjálpargagna til Gasa.
Biden krafðist þess í gær af yfirvöldum í Ísrael að þau hleyptu frekari hjálpargögnum til Gasa á næstu klukkustundum eða dögum.
Biden mun hafa hótað að setja sérstök skilyrði um framtíðarstuðning Bandaríkjanna við Ísrael, í samtali við Benjamín Netanjahú forsætisráðherra landsins.
Spurður hvort hann hafi hótað Netanjahú að draga úr hernaðaraðstoð Bandaríkjanna til Ísrael sagði Biden:
„Ég bað þá um að gera það sem þeir eru að gera.“
Yfirvöld í Ísrael tilkynntu klukkustundum eftir símtal Bidens og Netanjahú að þau myndu hleypa hjálpargögnum tímabundið inn á norðurhluta Gasa í gegnum hafnirnar Ashdod og Erez, sem eru á yfirráðasvæði Ísraels.
Yfirvöld í Bandaríkjunum segja þó að Ísrael hafi ekki uppfyllt kröfur Bandaríkjanna að fullu:
„Það er mikilvægt að kröfur okkar verði uppfylltar að fullu og framkvæmdar óðfluga,“ sagði John Kirby, þjóðaröryggisráðgjafi Hvíta hússins.