Þrýstingur á Þjóðverja eykst

Frakkar hafa ákveðið að senda Úkraínumönnum skriðdreka til að hjálpa þeim að verjast innrásarliði Rússa. 

Vesturlönd hafa hingað til ekki látið Úkraínumönnum skriðdreka í té í stríðinu en stjórnvöld í Úkraínu hafa ítrekað óskað eftir því að Þjóðverjar skaffi þeim skriðdreka. 

Olaf Scholz kanslari Þýskalands er nú undir auknum þrýstingi vegna málsins en þýsk stjórnvöld þykja hafa dregið lappirnar í málinu og bent á að engir bandamenn Úkraínu á vesturlöndum hafi sent þeim skriðdreka. 

Óskað hefur verið eftir því að Þjóðverjar skaffi Úkraínu Leopard skriðdreka en tækin sem Frakkar munu senda eru léttari. 

Marie-Agnes Strack-Zimmermann fer fyrir varnarmálanefnd þýska þingsins og notaði tækifæri til að skjóta á þýsku ríkisstjórnina. 

„Frakkar taka enn að sér það hlutverk sem vænst var af Þjóðverjum,“ sagði hún. 

• Blogga um frétt