Bandaríkin munu halda áfram að verja Ísrael
Setja bókamerki
Antony Blinken, utanríkisráðherra Bandaríkjanna, segir Bandaríkin ekki vilja koma í veg fyrir stigmögnun í samskiptum sínum við Íran en leggur áherslu á að ríkið muni áfram verja Ísrael eftir árás Írans.
Aðgerðir Írans fordæmalausar
„Við leitumst ekki eftir stigmögnun, en við munum halda áfram að styðja varnir Ísraels og vernda starfsfólk okkar á svæðinu,“ sagði Blinken í dag áður en hann fundaði með Mohammed Ali Tamim, aðstoðarforsætisráðherra Íraks.
Blinken sagði árás helgarinnar hafa sýnt að Ísrael þurfi ekki og muni ekki þurfa að standa eitt þegar kemur að því að verja sig fyrir árásum. Þá bætti hann við að aðgerðir Írans væru „fordæmalausar“.
Íran sendi 300 flugskeyti og dróna á landsvæði Ísraels á laugardagskvöld. Var árásin viðbragð við ólöglegri árás á ræðisskrifstofu Írans í Sýrlandi.
Flest skeytin voru skotin niður, með aðstoð Bandaríkjanna, Jórdaníu og annarra bandamanna, áður en þau komust til Ísrael.
Hafa áhyggjur af frekari átökum á svæðinu
Blinken kveðst hafa tekið þátt í miklum viðræðum síðustu 36 klukkustundir til að samræma diplómatísk viðbrögð með það að markmiði að koma í veg fyrir að ástandið á svæðinu versni.
Hann hefur einkum rætt við starfsbræður sína í Egyptalandi, Sádi-Arabíu, Jórdaníu, Tyrklandi, Bretlandi og Þýskalandi, að sögn bandaríska utanríkisráðuneytisins.
Fyrir fundinn sagði aðstoðarforsætisráðherra Írak ríkisstjórn sína hafa áhyggjur af því að svæðið gæti „dregist inn í víðtækara stríð sem muni ógna alþjóðlegu öryggi“. Þá hvatti hann alla aðila til að sýna stillingu.
Joe Biden mun funda með Mohamed Shia al-Súdani, forsætisráðherra Íraks, í Hvíta húsinu seinna í dag.
Verið að búa til „óánægju og kergju“
Gosopið gæti stækkað á ný: „Eitthvað í aðsigi“
Eru að vakta stöðuna í bólusetningum barna
/frimg/1/48/63/1486389.jpg)
Miklar fylgissveiflur forsetaefna
Halla Hrund tekur forystu í könnun
Innviðagjald skili 30 milljörðum
Ökuníðingur enn í haldi – „Mildi að ekki fór verr“
„Finn fyrir miklum meðbyr“