Friðrik: Skylt að þjóna þeim álverum sem fyrir eru
Setja bókamerki
Tengdar fréttir
Landsvirkjun vill selja orku til netþjónabúa
Friðrik Sophusson, forstjóri Landsvirkjunar, segir að Landsvirkjun telji sér skylt að þjóna þeim álverum, sem nú þegar eru til staðar. Landsvirkjun hefur ákveðið að ganga ekki til viðræðna um raforkusölu við fyrirtæki, sem hyggja á byggingu nýrra álvera á Suður- eða Vesturlandi en Friðrik segir að þessi ákvörðun útiloki ekki, að raforku verði ráðstafað til stækkunar álvera sem fyrir eru.
Friðrik segir að um hálfur annar tugur fyrirtækja hafi á undanförnum mánuðum lýst áhuga á raforkukaupum úr virkjununum sem fyrirhugaðar eru í neðri hluta Þjórsár og eftirspurnin verið langtum meiri en hægt er að svara með fyrirhugaðri raforkuframleiðslu.
Þá segir Friðrik, að þessi ákvörðun Landsvirkjunar, sem kynnt var í dag, hafi engin áhrif á fyrirætlanir um orkuöflun á Norðausturlandi vegna mögulegs álvers á Bakka við Húsavík. „Við höldum undirbúningi okkar þar áfram.“
„Finn fyrir miklum meðbyr“
„Mjög ánægður með útkomuna“
Verið að búa til „óánægju og kergju“
Gæti færst meiri kraftur í eldgosið
Fullyrðir að kindurnar beri ekki eftirlitslausar
„Þakklátur að hanga í toppsætunum“
Umdeild einkennismerki lögreglunnar