Stóryrði og hrakspár Jóhanns „óvenjulegar“

Haraldur Johannessen
Haraldur Johannessen Þorvaldur Örn Kristmundsson

Jóhann R. Benediktsson, fráfarandi lögreglustjóri á Suðurnesjum, er harðorður í garð Haralds Johannessen ríkislögreglustjóra. Haraldur hefur í kjölfarið gefið út eftirfarandi yfirlýsingu.

„Jóhann R. Benediktsson lögreglustjóri lætur af embætti 1. október nk. Óvenjulegt er að lögregluforingi kveðji samstarfsmenn sína til margra ára með stóryrðum og hrakspám eða líki lögreglustarfi við sandkassaleik.

Innan raða lögreglunnar hefur síðastliðin ár verið rætt um stefnur og strauma í löggæslumálum að hvatningu Björns Bjarnasonar dómsmálaráðherra. Skipulagsbreytingar hafa reynt á hæfni og getu yfirmanna og hafa þeir sýnt festu og áræðni til að ná settum markmiðum. Um þetta hefur verið samstaða meðal allra lögreglustjóra. Einn úr hópnum kýs nú að fara aðra leið. Það er hans val.

Ég óska Jóhanni R. Benediktssyni velfarnaðar á nýjum vettvangi, þótt kveðja hans til okkar, sem viljum metnað lögreglu sem mestan, sé ekki lögreglustjóra samboðin.

Haraldur Johannessen

ríkislögreglustjóri“

Jóhann R. Benediktsson.
Jóhann R. Benediktsson. Kristinn Ingvarsson
mbl.is

Bloggað um fréttina