Þurfti að kalla á sérsveitina

Sérsveit ríkislögreglustjóra var kölluð að húsi á Presthúsabraut á Akranesi í gærkvöldi. Þar var staddur ölvaður og vopnaður maður en áhyggjufullur aðstandandi tilkynnti lögreglunni á Akranesi um ástand hans. Maðurinn gisti fangageymslur í nótt.

Að sögn lögreglunnar á Akranesi var maðurinn, sem er á fimmtugsaldri, einn í húsinu. Fljótlega var ljóst að yfirbuga þurfti manninn og var sérsveitin því kölluð til. Nærliggjandi götum var lokað og ruddust sex sérsveitarmenn inn í húsið og handsömuðu manninn. Hann gisti fangaklefa í nótt og verður yfirheyrður í dag.

• 5 blogg um fréttina

Bloggað um fréttina

• Jakob Falur Kristinsson: Sérsveit lögreglunnar
• Jenný Anna Baldursdóttir: Draugaleg rödd
• Sigursteinn Ingvar Rúnarsson: Svona á að gera þetta
• Rannveig Jóhannsdóttir: Alltaf fjör á skaganum
• Sigurbjörn Friðriksson: Í gamla daga var bara kallaður til Sæmi "rokk" lögregluþjónn......