Gunnlaugur kominn á Blönduós

Gunnlaugur Júlíusson hlaupakappi kom til Blönduóss um klukkan 14 í dag og tók stefnuna fram Langadalinn. Gunnlaugur hyggst ná að Vatnsskarðsrótum í dag.

Hann lagði upp frá Víðigerði í morgun sem er í 40 kílómetra fjarlægð frá Blönduósi þannig að veglendin sem Gunnlaugur hleypur í dag er um 75 kílómetrar.

Jón Sigurðsson, fréttaritari Morgunblaðsins á Blönduósi segir að vel hafi legið á Gunnlaugi við komuna til Blönduóss.

„Gunnlaugur sagðist heldur vera á undan áætlun. Hann taldi það heldur til bóta því hann gæti þess vegna leyft sér að spjalla aðeins við bændur sem nú eru í óða önn í heyskap í blíðunni.“

Hlaupið fer fram undir merkjum fjáröflunarátaks fyrir Grensásdeildina og Ungmennafélags Íslands. Hlaupið er jafnframt minningarhlaup um Jón H. Sigurðsson hlaupara frá Úthlíð.

• Hægt er að fylgjast með ferðum Gunnlaugs hér.

Þeir sem vilja leggja sitt af mörkum til að bæta aðbúnað á Grensásdeildinni geta lagt inn á reikning 0130-26-9981, kt: 660269-5929.

• 1 blogg um fréttina

Bloggað um fréttina

• Kjartan Birgisson: Er mannekla í Blönduóslögreglunni?