Telja of mikið bera á milli

Enginn ágreiningur er á milli stjórnarliða og stjórnarandstöðu um efni …
Enginn ágreiningur er á milli stjórnarliða og stjórnarandstöðu um efni svarbréfsins. Golli / Kjartan Þorbjörnsson

Í bréfi sem Steingrímur J. Sigfússon fjármálaráðherra sendi Bretum og Hollendingum í gær, sem svar við tilboði þeirra um nýjan Icesave-samning,  er þess getið, að of mikið beri á milli þeirra draga sem viðræðunefnd Íslendinga kynnti á fundi með Bretum og Hollendingum í síðustu viku og þessa tilboðs til þess að það geti orðið grundvöllur frekari samningaviðræðna.

Fjármálaráðherra lýsir því jafnframt yfir í bréfinu, samkvæmt upplýsingum Morgunblaðsins, að Íslendingar séu reiðubúnir til frekari funda og viðræðna með fulltrúum Breta og Hollendinga.

Samkvæmt heimildum Morgunblaðsins var enginn ágreiningur á milli stjórnarliða og stjórnarandstöðu um efni svarbréfs fjármálaráðherra, sem er svarbréf, ekki gagntilboð. En samkvæmt sömu heimildum var þó um einhvern áherslumun að ræða meðal þeirra sem hafa tekið þátt í viðræðunum undanfarna daga.

Bretar og Hollendingar tóku ekkert fyrir í tilboði sínu þau lagalegu spursmál sem viðræðunefndin setti fram og bauð upp á lausnir á í London í síðustu viku, samkvæmt heimildum Morgunblaðsins, og í þau mál vilja forystumenn stjórnmálaflokkanna fá botn, áður en framhaldið verður ákveðið.
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:

Bloggað um fréttina

Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »