Innskot undir Eyjafjallajökli

Eitthvað mikið er á seyði undir Eyjafjallajökli.
Eitthvað mikið er á seyði undir Eyjafjallajökli. rax

Kvikuinnskot er nú í gangi undir Eyjafjallajökli og hefur verið síðan um áramót, að sögn dr. Páls Einarssonar jarðeðlisfræðings. Þessu hafa fylgt jarðhræringar og þensla jarðskorpunnar. GPS mælistöð Veðurstofunnar við Þorvaldseyri hefur færst um 30 mm til suðurs frá áramótum og einnig lyfst.

Páll sagði þetta í fjórða skipti sem svona atburðarás kemur fram. Fyrst gerðist það 1994, svo 1999, aftur í fyrrasumar og var þá fremur lítið. „Það sem nú er í gangi er ekki orðið jafnt stórt og 1999 en það stefnir óðfluga í það því það er mikil ferð á þessu núna,“ sagði Páll.

Hann sagði erfitt að bera saman þróunina nú og 1999 því gögnin séu ekki alveg sambærileg. GPS mælingarnar benda til þess að hraðinn sé að aukast.

Af 30 mm tilfærslu mælisins á Þorvaldseyri frá áramótum varð 10 mm færsla á síðustu fjórum dögum. Færslan er því mælanleg í millimetrum á dag. Hjörleifur Sveinbjörnsson, jarðfræðingur á Veðurstofu Íslands, sagði að hreyfing jarðskorpunnar við Eyjafjallajökul hafi verið mjög hröð frá áramótum og sérstaklega mikill undanfarna fjóra til fimm daga.  Í síðustu viku hefur færslan verið 5-6 mm.

Hjörleifur sagði að færslan á GPS stöðvunum haldist í hendur við skjálftavirknina. Þegar færslan sé mikil sé skjálftavirknin jafnframt meiri.  „Ég held að það séu allir sammála um að þetta sé vegna þess að kvika sé að troða sér inn undir Eyjafjallajökul,“ sagði Hjörleifur.

Hjörleifur sagði að enginn gosórói hafi mælst undir Eyjafjallajökli núna. Ekki eru heldur nein merki um að hún sé að brjóta sér leið til yfirborðsins. „Þetta er líklega mjög djúpt þarna ofan í,“ sagði Hjörleifur.

Páll sagði erfitt að meta hve djúpt er á kvikuna sem er á ferðinni undir jöklinum. Hann sagði að upptök jarðskjálftanna hafi verið talsvert mikið á fimm km dýpi. Það sé etv. besta vísbendingin enn sem komið er.

Erfitt er að spá um framhaldið, að mati Páls. „Hingað til hafa þessir atburðir byrjað snögglega og líka endað frekar snögglega. Það er því ekki hægt að segja hvenær þetta hættir.“

Katla, næsti nágranni Eyjafjallajökuls, hefur verið róleg undanfarið.  Jarðskjálftavirknin hefur verið mest undir toppi Eyjafjallajökuls og þar norðaustan við hann. Síðustu daga hefur hún verið að breiða úr sér.

Páll segir að svipað hafi gerst 1999. Þá byrjaði jarðskjálftavirknin á fremur þröngum bletti undir fjallinu norðaustanverðu og dreifðist síðan til suðurs og austurs. Eitthvað svipað virðist vera í gangi nú.

Full ástæða er til að hafa varann á þegar eldfjall lætur svona, að sögn Páls. Hins vegar er ekki ástæða til að gera meira úr þessari atburðarás en efni eru til. Í hin þrjú skiptin sem þetta gerðist hætti atburðarásin skyndilega og enn sé þetta ekki orðið jafn stórt og 1999.

Veðurstofan hefur sett jarðvísindamenn á bakvaktir vegna þessara atburða til að fylgjast betur með þeim. Almannavarnir eru einnig að fylgjast með þessu og Jarðvísindastofnun Háskóla Íslands. 

Ef eldgos brytist út undir jökulhettunni myndi ísinn bráðna. Ísinn er fremur þunnur og því yrði jökulhlaupið væntanlega ekki stórt. Hins vegar liggur jökullinn hátt og því gæti hlaupið orðið talsvert kraftmikið þótt það yrði fremur vatnslítið.

Hér sést hve mikið GPS-mælistöðin við Þorvaldseyri hefur mjakast til.
Hér sést hve mikið GPS-mælistöðin við Þorvaldseyri hefur mjakast til. Veðurstofa Íslands
Kortið sýnir jarðskjálfta undir Eyjafjallajökli frá 22, febrúar.
Kortið sýnir jarðskjálfta undir Eyjafjallajökli frá 22, febrúar. Veðurstofa Íslands
mbl.is

Bloggað um fréttina

Innlent »

Andlát: Snædís Gunnlaugsdóttir

05:30 Snædís Gunnlaugsdóttir, lögfræðingur á Kaldbak við Húsavík, lést í fyrradag, 66 ára að aldri. Snædís vann mikið að umhverfismálum, sérstaklega skógrækt og landgræðslu. Meira »

Áhættan í kerfinu hófleg

05:30 Nýtt álagspróf Seðlabankans sýnir að efnahagur viðskiptabankanna þriggja er traustur og þeir gætu hæglega staðið af sér víðtæk áföll í hagkerfinu. Bendir nýr aðstoðarseðlabankastjóri á að áhætta í fjármálakerfinu sé enn hófleg, þótt hún hafi aukist. Meira »

Áfram um 3,6 mínútur á ári

05:30 Konur eru hvattar til að leggja niður störf klukkan 14:55 í dag, á kvennafrídeginum. Þá hafa þær unnið fyrir launum sínum, sem samkvæmt nýjustu tölum Hagstofu eru 74% af meðaldagvinnutekjum karla. Meira »

Tímamótaþing ASÍ í dag

05:30 Tímamótaþing Alþýðusambands Íslands (ASÍ) hefst í dag. Fyrir liggur að um 300 þingfulltrúar úr 48 stéttarfélögum munu kjósa nýja forystumenn ASÍ á föstudag. Þingið mun m.a. ræða tekjuskiptingu og jöfnuð, jafnvægi atvinnuþátttöku og einkalífs, tækniþróun og skipulag vinnunnar. Meira »

Þurftu að snúa aftur til hafnar

05:30 Bandarísku herskipin USS New York og USS Gunston Hall þurftu að snúa aftur til hafnar í gær eftir að hafa fengið á sig brotsjó. Lögðust þau að bryggju við Skarfabakka. Meira »

256 tonna samdráttur í sölu

05:30 Sala á kindakjöti dróst verulega saman í sumar. Síðustu þrjá mánuði var salan 7,3% minni en sömu mánuði á síðasta ári. Mestur var samdrátturinn í ágúst, 18,5%, og 3,7% í júlí. Hins vegar var salan í september 0,4% meiri en í fyrra. Meira »

Drangajökull verði að þjóðlendu

05:30 Ríkið gerir kröfu um að sá hluti Drangajökuls sem tilheyrir Strandasýslu verði þjóðlenda. Ekki eru gerðar aðrar kröfur á svæði 10A sem nær yfir Strandasýslu og fyrrverandi Bæjarhrepp í Hrútafirði. Þess ber að geta að meginhluti jökulsins tilheyrir öðru kröfusvæði, 10B (Ísafjarðarsýslur). Meira »

Halda 24 stunda loftslagsmaraþon

Í gær, 22:00 Loftslagsmaraþonið (Climathon) verður haldið í annað sinn hér á landi á föstudaginn kemur, 26. október, og fram á laugardagsmorgun. Justine Vanhalst, sérfræðingur hjá Matís og verkefnastjóri Climathon 2018 fyrir Reykjavíkurborg, segir skráningu ljúka á fimmtudag og því enn tækifæri til að taka þátt. Meira »

Gögn og gróður jarðar

Í gær, 21:10 Fólk verður að geta bjargað sér í harðindum. Íslendingar verða að geta nýtt sér náttúruna, svo sem gróðurinn. Grasnytjar úr flóru Íslands eru umfjöllunarefni Guðrúnar Bjarnadóttur náttúrufræðings í Hespuhúsinu á Hvanneyri. Meira »

Mörk leyfilegs áfengismagns verði lækkuð

Í gær, 20:48 Meðal nýmæla í frumvarpi að nýjum umferðarlögum, sem Sigurður Ingi Jóhannsson samgönguráðherra mælti fyrir á Alþingi í dag, er að lögbinda hjálmaskyldu barna en í dag er einungis kveðið á um hana í reglugerð. Hjólreiðakafli núgildandi laga hefur verið tekinn til heildarendurskoðunar og reglur um hjólreiðar skýrðar betur. Meira »

„Mesti rógburður og óhróður“ sögunnar

Í gær, 20:39 Jónas Garðarsson, formaður Sjómannafélags Íslands, segir ásakanir Heiðveigar Maríu Einarsdóttur, sem hyggst bjóða sig fram til að gegna formannsembættinu, vera rógburð og óhróður af óþekktri stærðargráðu í íslenskri verkalýðssögu. Meira »

Jón leiðir hóp um félagsleg undirboð

Í gær, 18:58 Jón Sigurðsson, fyrrverandi ráðherra og seðlabankastjóri, er formaður nýs samstarfshóps sem Ásmundur Einar Daðason, félags- og jafnréttismálaráðherra, hefur skipað til að sporna gegn félagslegum undirboðum á innlendum vinnumarkaði. Meira »

Tillagan væri gríðarlegt bakslag

Í gær, 18:23 „Enn eina ferðina vegur voldugt þjóðríki að réttindum hinsegin fólks um leið og það hreykir sér af vernd frelsis og mannréttinda,“ segir í yfirlýsingu fjögurra samtaka vegna þeirra frétta sem borist hafa frá Bandaríkjunum um að til standi að endurskilgreina kyn í bandarískum lögum. Meira »

Túnfiskverkun að japönskum sið

Í gær, 18:10 Bláuggatúnfiskur, sem þykir vera eitt besta hráefni sem hægt er að fá í matargerð, er ekki oft á boðstólum hér á landi. Í dag var myndarlegur 172 kg fiskur skorinn af japönskum Haítaí-meistara á veitingastaðnum Sushi-Social í tilefni af túnfiskhátíð staðarins. mbl.is fylgdist með handbragðinu. Meira »

Vill gera breytingar og hreinsa til

Í gær, 18:09 „Ég hef verið talsmaður þess að gera verulegar breytingar á hreyfingunni og hreinsa til, eins og ég kalla það,“ segir Aðalsteinn Árni Baldursson, formaður Framsýnar á Húsavík. Þing ASÍ hefst á morgun en Aðalsteinn vill ekki gefa út hvern hann styður til forseta sambandsins. Meira »

Dæmdur fyrir að skalla mann

Í gær, 17:34 Karlmaður var í dag dæmdur í 30 daga skilorðsbundið fangelsi í Héraðsdómi Reykjavíkur fyrir líkamsárás á bifreiðastæði utan við lager Skagans hf. á Akranesi í janúar 2016. Var maðurinn ákærður fyrir að hafa veist að öðrum karlmanni þegar hann steig út úr bifreið sinni og skallað hann í andlitið með þeim afleiðingum að maðurinn hlaut nefbrot, bólgur og mar í andliti. Meira »

Seðlabankinn greip inn í markaðinn

Í gær, 17:30 Seðlabanki Íslands greip inn í veikingu krónunnar með kaupum á krónum á gjaldeyrismarkaði laust eftir kl. 15 í dag. Þetta staðfestir Stefán Jóhann Stefánsson upplýsingafulltrúi Seðlabankans í samtali við mbl.is. Meira »

Grunaður um að koma ekki til aðstoðar

Í gær, 16:20 Maðurinn sem var handtekinn vegna andláts ungrar konu á heimili sínu á Akureyri á sunnudagsmorgun er grunaður um að hafa ekki komið henni til aðstoðar. Meira »

Brotist inn í apótek og lyfjum stolið

Í gær, 15:41 Í gær var brotist inn í Apótek Suðurnesja og þaðan stolið miklu magni lyfja. Aðallega var um að ræða ýmsar tegundir verkjalyfja og og annarra ávanabindandi lyfja og og er andvirði þess sem stolið var áætlað á fjórða hundrað þúsund krónur. Meira »
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
NUDD- LÁTTU DEKRA VIÐ ÞIG.
HEIT OLIA OG STEINAR- RÓAR HUGANN OG GEFUR BÆTTA LÍÐAN. tÍMAPANTANIR SIMI 8...