Starfsmenn Vegagerðarinnar munu í dag kanna aðstæður á leiðinni inn í Þórsmörk. Veginn þar tók af á um það bil sex kílómetra kafla í vatnsflóði á öðrum degi gossins úr Eyjafjallajökli og hefur leiðin síðan verið ófær. „Ég vona að við vitum eftir þessa könnunarferð hvað þarf að gera á þessum slóðum,“ sagði Svanur Bjarnason, umdæmisstjóri Vegagerðarinnar á Suðurlandi, í samtali við Morgunblaðið.

Svanur segir að ef hægt verður að fylgja sömu leið og áður í Þórsmörk ættu vegabætur aðeins að vera einföld jarðýtuvinna, sem ekki er kostnaðarsöm. Þurfi hins vegar að færa vegstæðið horfi málið öðruvísi við og framkvæmdir gætu kostað nokkra fjármuni.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir