Útvarpsstjóri svarar fyrrverandi ráðherra

„Ef fjöldamorðin í Noregi og fórnarlömb þeirra væru höfð í flimtingum í Áramótaskaupi þætti mér það jafn forkastanlegt og þér. Ég er þeirrar skoðunar að það hafi ekki verið gert með þeirri setningu í Skaupinu sem skírskotaði til morðingjans.“ Þetta segir Páll Magnússon útvarpsstjóri í svari sínu til Eiðs Guðnasonar, fyrrverandi þingmanns og ráðherra, en sá síðarnefndi sagði í færslu á vefsvæði sínu að Páll ætti að biðja sendiherra Noregs afsökunar á því að „skopast skyldi að fjöldamorðunum í Útey í Noregi og þau voðaverk sem þar voru framin höfð í flimtingum“ í Áramótaskaupinu.

Eiður birtir í kvöld á vefsvæði sínu svar útvarpsstjóra við færslu sinni. Í bréfi sínu spyr Páll meðal annars hvort Eiður trúi því að unga listafólkið sem skrifaði og leikstýrði Árámótaskaupinu í þriðja sinn sé svo illa innrætt að hafa ætlað sér að hafa harmleikinn í flimtingum.

Í framhaldi af birtingu bréfs útvarpsstjóra svarar Eiður því. „Það voru mistök að hafa tilvísun í Úteyjarmorðin í Skaupinu. Öllum geta orðið á mistök, en það eru ekki allir menn til að viðurkenna eigin mistök. Því miður,“ segir Eiður meðal annars.

Vefsvæði Eiðs Guðnasonar

Færsla Eiðs um Áramótaskaupið

Eiður Guðnason mbl.is

• 3 blogg um fréttina

Bloggað um fréttina

• Ómar Sigurðsson: Mikið eiga samfylkingarmenn bágt þessa dagana
• Jóhanna Magnúsdóttir: Ætli Eiður Guðnason sé með hríðir? ..
• Davíð Þorvaldur Magnússon: palli svaramaður