Steingrímur íhugi stöðu sína

Svæðisfélög Vinstrihreyfingarinnar - græns framboðs í Húnaþingi og Skagafirði hafa sent frá sér ályktun þar sem því er beint til formanns flokksins, Steingríms J. Sigfússonar, að hann íhugi alvarlega „stöðu sína sem formaður flokksins í ljósi atburða undanfarinna vikna“. Er ennfremur varað við afleiðingum stefnu og framgöngu forystu VG á fylgi flokksins. Orðrétt segir í ályktuninni:

„Fundur Svæðisfélaga VG í Húnaþingi og Skagafirði, haldinn á Blönduósi 16. janúar 2012, beinir því til formanns flokksins, Steingríms J. Sigfússonar, að íhuga alvarlega stöðu sína sem formaður flokksins í ljósi atburða undanfarinna vikna. Stefna og athafnir flokksforystunnar eru að hrekja í burtu stóran hluta þeirra er kusu flokkinn í síðustu alþingiskosningum.“

• 3 blogg um fréttina

Bloggað um fréttina

• Ólafur Ragnarsson: "Stefna og athafnir "
• Vinstrivaktin gegn ESB: Þjónkun VG við Samfylkinguna í þágu ESB vekur ólgu víða …
• Viggó Jörgensson: Það gerir Steingrímur ekki.