Tilbúnir að styðja vantraust

Þingmenn Hreyfingarinnar, Birgitta Jónsdóttir, Margrét Tryggvadóttir og Þór Saari.
Þingmenn Hreyfingarinnar, Birgitta Jónsdóttir, Margrét Tryggvadóttir og Þór Saari. mbl.is

Þór Saari og Margrét Tryggvadóttir, þingmenn Hreyfingarinnar, boða að þau muni styðja vantrauststillögu á hendur ríkisstjórninni ef ekki verður komið til móts við kröfur flokksins í nokkrum málaflokkum, þar með talið í skuldamálum heimila.

Flokkssystir þeirra, Birgitta Jónsdóttir, gaf ekki kost á viðtali vegna málsins.

Spurður út í skuldamálin í umfjöllun um þessi mál í Morgunblaðinu í dag, svarar Þór því til, að þau séu „sennilega í meiri ólestri en þau voru strax eftir hrun“. Þegar þreifingar hafi verið um samstarf við ríkisstjórnina milli jóla og nýárs hafi Hreyfingin sett það sem skilyrði að tekið yrði á skuldamálum, ef hún ætti að verja stjórnina vantrausti. Þótt ekki hafi orðið af samstarfi sé þolinmæðin hvað varðar vantrauststillögu þrotin.

Spurðir út í kröfur Hreyfingarinnar svara samfylkingarþingmennirnir Lúðvík Geirsson, Helgi Hjörvar og Björgvin G. Sigurðsson því til að aðgerðir verði kynntar fyrir maílok.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »