Framtíð endurvinnslustöðvarinnar Hringrásar í Sundahöfn er enn óljós. Mikill eldur kom upp á svæði endurvinnslustöðvarinnar þann 12. júlí í fyrra og voru öryggismál staðarins tekin til endurskoðunar í kjölfarið.

Er þetta í annað skiptið sem stöðin gengst undir öryggisendurskoðun því einnig var farið yfir þau mál árið 2004 eftir mikinn bruna sem átti sér stað í lok þess árs. Slökkviliðið vinnur nú að greiningu á brunahættu af starfsemi Hringrásar en greiningin ætti að liggja fyrir á haustmánuðum.

„Miklu æskilegra væri að starfsemin væri í meiri fjarlægð frá íbúðabyggð og þá sérstaklega dekkjastæðan sem skapar mesta eldhættu, eins og komið hefur í ljós,“ segir Hjálmar Sveinsson, sem á sæti í skipulagsráði Reykjavíkur. „Lóðaleigusamningur Faxaflóahafna við Hringrás er runninn út. Fyrirtækið hefur þó fengið áframhaldandi starfsleyfi,“ segir Hjálmar en Heilbrigðiseftirlit Reykjavíkur gefur út starfsleyfi Hringrásar.

Tengdar fréttir

Hringrás

Sindraport ræðir flutning

• Uppsögn leigusamnings til umræðu
• Starfsemi liggur enn niðri
• Stöðvaði starfsemi Hringrásar
• Leigusamningi Hringrásar sagt upp

» Fleiri tengdar fréttir