Engir jarðskjálftar hafa mælst við Heklu í dag, en grannt er fylgst með stöðu mála. Óvissustig almannavarna er ennþá í gildi á svæðinu og var því lýst yfir eftir að Veðurstofa Íslands upplýsti almannavarnadeild ríkislögreglustjóra um óvenjulegar jarðhræringar í Heklu, en undanfarnar tvær vikur hafa mælst þar sjö skjálftar.

„Við hefðum ekki haft áhyggjur ef þetta hefði verið annað fjall,“ segir Martin Hensch, eldfjallaskjálftafræðingur hjá Veðurstofu Íslands. „En svona hefur ekki gerst frá árinu 2000 og það er ástæðan fyrir óvissustiginu. “

„Eins og staðan er núna er engin ástæða til að hafa áhyggjur,“ segir Martin.

Almannavarnir munu fara yfir stöðuna á morgun og þá verður tekin ákvörðun um hvort óvissustiginu verði haldið áfram. 

Tengdar fréttir

Hekla

3,5 stiga skjálfti í Vatnafjöllum

• Þessar eldstöðvar sýna merki um virkni
• Mikinn kraft þarf til að taka tappann úr Heklu
• Næsta gos öflugra en þau síðustu
• Eftirskjálfti af stærðinni 3,1

» Fleiri tengdar fréttir

• Blogga um frétt