Færeyingar munu ekki hvika frá áformum um að veiða upp í stóraukinn síldarkvóta, þrátt fyrir hótanir Evrópusambandsins um refsiaðgerðir verði af veiðunum.

Jacob Vestergaard, sjávarútvegsráðherra Færeyja, staðfestir þetta í samtali í Morgunblaðinu í dag og boðar að lokið verði við að úthluta síldarkvótanum öðrum hvorum megin við helgi. Þá rifjar ráðherrann upp að síldin sé orðið í færeyskri landhelgi nánast allt árið. Þar sé á ferð færeysk síld, ekki norsk eða íslensk.

„Við vitum að sambandið er að undirbúa viðbrögð, eins og til dæmis refsiaðgerðir gegn okkur, en við vitum á þessu stigi ekki meira um hvað það ætlar sér,“ segir Vestergaard um hótanir ESB.

Tengdar fréttir

Makrílveiðar

Munu reyna til hins ýtrasta að ná samkomulagi

• Samkomulag um ráðgjöf en ekki um veiði
• Leggja til 24% samdrátt í síldarkvóta
• Vilja viðskiptaaðgerðir gegn Noregi og Færeyjum
• „Við höfum ekkert gaman af svartsýni“

» Fleiri tengdar fréttir