Um 130 nafnlausir jöklar

Um 130 íslenskir jöklar sem hafa verið nafnlausir verða merktir og nafngreindir í alþjóðlegum jöklaatlas sem kemur út á næsta ári.

Oddur Sigurðsson, jarðfræðingur hjá Veðurstofu Íslands, hefur ásamt íslenskum og bandarískum samstarfsmönnum gert heildarkort yfir íslenska jökla, að því er fram kemur í umfjöllun um mál þetta í Morgunblaðinu í dag.

Segja má að ónefndu jöklarnir séu nýuppgötvaðir. Þeir höfðu hvorki sést né verið greindir sem jöklar á árum áður, aðallega vegna þess að þeir voru á kafi í snjó fram yfir 1996.